ກ່ຽວກັບພວກເຮົາ
" ເມື່ອມະນຸດມີຄວາມອຶດຫິວ, ສອນວິທີຫາປາໃຫ້ ແມ່ນດີກວ່າການເອົາປາໃຫ້ພວກເຂົາ " ທິດສະດີຂົງຈື້
ສະມາຄົມປະຊາຊົນ ແລະ ພູດອຍຕາມລ້ອງແມ່ນ້ຳຂອງ ແມ່ນສະມາຄົມສາມັກຄີສາກົນ, ທີ່ມີບົດບາດ ແລະ ຖືກຍອມຮັບໃນສັງຄົມ. ສ້າງຕັ້ງຂື້ນໃນເດືອນ ມິຖຸນາ ປີ 2011 ໂດຍປະຊາຊົນທີ່ປາດຖະໜາຢາກຊ່ວຍເຫຼືອເພື່ອມະນຸດ ແລະ ຊົນເຜົ່າ ທີ່ອາໄສຢູ່ລຽບແມ່ນ້ຳຂອງ ແລະ ໃນເຂດພູດອຍທີ່ຫ່າງໄກສອກຫຼີກຢູ່ທາງພາກເໜືອຂອງລາວ.
ພາຍຫຼັງໄດ້ດຳເນີນການເຄື່ອນໄຫວພາລະກິດ ດ້ານການແພດຫຼາຍຄັ້ງຢູ່ເຂດບ້ານທີ່ຫ່າງໄກສອກຫຼີກ, ສະມາຄົມໄດ້ກ້າວໄປສູ່ຈຸດໝາຍໃໝ່.
1. ສະໜັບສະໜູນການດຳເນີນການເຝິກອົບຮົມໄລຍະກາງ ແລະ ໄລຍະຍາວ, ພ້ອມທັງເປັນການຮັບປະກັນການພັດທະນາແບບຍືນຍົງ.
2. ຄໍານຶງເຖິງສະພາບແວດລ້ອມບ່ອນເຮັດວຽກຂອງບຸກຄະລາກອນສາທາລະນະສຸກ ທີ່ພວກເຮົາມີສ່ວນຮ່ວມໃນການສ້າງໂຄງການນໍ້າລິນ ເພື່ອເປັນການສະໜອງໃຫ້ມີສະພາບແວດລ້ອມທີ່ດີໃນການເຮັດວຽກ ແລະ ມີສຸຂະພາບທີ່ດີຂຶ້ນ.
3. ການປະຕິບັດພາລະກິດຂອງພວກເຮົາແມ່ແນໃສ່ໃນການໃກ້ຊິດຕິດແທດກັບປະຊາຊົນໃນເຂດດັ່ງກ່າວ, ໂດຍສະເພາະແມ່ນຜ່ານການສະໜັບສະໜູນຂອງທ້ອງຖິ່ນສໍາລັບບຸກຄະລາກອນແພດໝໍ ໃນສຸກສາລາ ແລະ ໂຮງໝໍເມືອງ.
ປະຫວັດຫຍໍ້
ຄວາມຈິງແລ້ວ ການປະຕິບັດພາລະກິດຂອງພວກເຮົາທີ່ສຸມໃສ່ປະເທດລາວ ແມ່ນຍ້ອນປະຫວັດສາດຄວາມເປັນມາຂອງປະເທດລາວ ເຊິ່ງຈະມີໂອກາດໄດ້ພົບກັບບັນດາຊົນເຜົ່າຕ່າງໆທີ່ຫຼາກຫຼາຍ. ພວກເຮົາໄດ້ພົບເຫັນກັບຄວາມທ້າທາຍ ກໍ່ຄືຄວາມທຸກຍາກ ແລະ ຂໍ້ຈໍາກັດໃນການດໍາລົງຊີວິດປະໍາວັນຂອງບັນດາຊົນເຜົ່າກຸ່ມນ້ອຍເຫຼົ່ານີ້. ນອກນີ້ ພວກເຮົາຍັງໄດ້ຫຼົງສະເນ່ຄວາມງາມຂອງປະເທດລາວ, ຄວາມອຸດົມສົມບູນຂອງວັດທະນະທໍາ ແລະ ຈິດໃຈອັນດີງາມຂອງປະຊາຊົນລາວ.
ພວກເຮົາໄດ້ສືບຕໍ່ກັບຄືນມາຢ້ຽມຢາມປະເທດລາວທຸກໆປີ ຊຶ່ງພວກເຮົາໄດ້ສ້າງສາຍພົວພັນມິດຕະພາບອັນເປັນມູນເຊື້ອ ແລະ ຄວາມສາມັກຄີກັບປະຊາຊົນລາວເປັນຈຳນວນຫຼວງຫຼາຍ. ອັນສຸດທ້າຍແມ່ນເຄື່ອງຊ່ວຍເຫຼືອທີ່ມີຄຸນຄ່າ ແລະ ຂາດບໍ່ໄດ້ຄືຄວາມເຂົ້າໃຈຕໍ່ກັບປະເທດລາວ, ສະພາບການ ແລະ ວັດທະນະທຳຂອງລາວ. ປະຊາຊົນລາວໄດ້ອໍານວຍຄວາມສະດວກໃຫ້ແກ່ໂຄງການການຊ່ວຍເຫຼືອຂອງພວກເຮົາ ແລະ ໃນມື້ນີ້ໄດ້ສ້າງສໍາພັນໃນການສະໜັບສະໜູນທີ່ສະມາຄົມສາມາດອີງໃສ່.
ພວກເຮົາໄດ້ໄປຢ້ຽມຢາມຫຼາຍບ້ານເຊັ່ນ: ບ້ານຊົນເຜົ່າລາວລຸ່ມ, ເຜົ່າມົ້ງ, ເຜົ່າກຶມມຸ ແລະ ເຜົ່າອາຄາ ທີ່ຢູ່ນອກສະຖານທີ່ທ່ອງທ່ຽວ ແລະ ຕົກໃນເງື່ອນໄຂທີ່ຫຍຸ້ງຍາກຫຼາຍດ້ານ, ໂດຍສະເພາະໃນດ້ານການທ່ອງທ່ຽວ. ພວກເຮົາໄດ້ຮັບການຕ້ອນຮັບດ້ວຍມິດຕະພາບອັນຍິ່ງໃຫຍ່ຈາກປະຊາຊົນເຫຼົ່ານີ້ ເຊິ່ງພວກເຮົາໄດ້ໃຊ້ຊີວິດປະຈຳວັນຕິດແທດກັບປະຊາຊົນ ແລະ ໄດ້ຕີລາຄາສະພາບການດໍາລົງຊີວິດ ແລະ ຄວາມສາມາດດ້ານເສດຖະກິດໃນການດໍາລົງຊີວິດປະຈໍາວັນ. ການພົບປະເຫຼົ່ານີ້ໄດ້ເປີດໂອກາດໃຫ້ພວກເຮົາເຂົາຮ່ວມໃນງປະຊຸມບ້ານ, ເພື່ອກໍານົດ ແລະ ປະເມີນຄວາມຕ້ອງການທີ່ຈໍາເປັນໃນລະດັບງ່າຍທີ່ສຸດເຖິງສະລັບສັບຊ້ອນທີ່ສຸດ. ພວກເຮົາເຫັນວ່າ ດ້ວຍເຫດຜົນທາງປະຫວັດສາດ ແລະ ວັດທະນະທໍາ, ປະຊາຊົນຈໍານວນຫຼາຍຂອງບັນດາບ້ານເຫຼົ່ານີ້ຂາດໂອກາດເຂົ້າເຖິງການບໍລິການສຸຂະພາບ. ຍ້ອນສະພາບການອັນຫຍຸ້ງຍາກນີ້ ເຮັດໃຫ້ພວກເຮົາກໍານົດບູລິມະສິດກ່ຽວກັບບັນຫາສຸຂະພາບ ແລະ ສຸກຂະອະນາໄມໃຫ້ແກ່ພວກເຂົາ: ພວກເຮົາໄດ້ຈັດເຝິກອົບຮົມທາງການແພດໃຫ້ແກ່ແພດໝໍລາວ ພ້ອມດ້ວຍການສົ່ງເສີມ ແລະ ສະໜູນສະໜູນໂຄງການນ້ໍາລິນ.
ສະມາຄົມປະຊາຊົນ ແລະ ພູດອຍຕາມລ້ອງແມ່ນໍ້າຂອງໄດ້ລົງນາມໃນບົດບັນທຶກຄວາມເຂົ້າໃຈ (MOU) ກັບກະຊວງສາທາລະນະສຸກ. ເອກະສານສະບັບນີ້ ສະແດງເຖິງຄວາມປາຖະໜາລວມຂອງສອງຝ່າຍທີ່ຈະຮ່ວມມືກັນເຮັດວຽກ ແລະ ປັບປຸງນະໂຍບາຍດ້ານສາທາລະນະສຸກຂອງລາວ. ຂອບເຂດການເຄື່ອນໄຫວຂອງສະມາຄົມ ແມ່ນເພື່ອເຂົ້າມາຊ່ວຍເຫຼືອເຊິ່ງຕ້ອງດໍາເນີນພາຍໄຕ້ກົດໝາຍ ແລະ ກົດລະບຽບຂອງ ສປປ ລາວ ທີ່ໄດ້ກໍານົດໄວ້. ພວກເຮົາເຂົ້າມາໃນປະເທດລາວ ເພື່ອໃຫ້ການຊ່ວຍເຫຼືອ ແລະ ຕອບສະໜອງຄວາມຮຽກຮ້ອງຕ້ອງການໃຫ້ແກ່ຜູ້ດ້ອຍໂອກາດ, ໂດຍບໍ່ຈໍາແນກຊົນເຜົ່າ ຫຼື ເພດ. ດັ່ງນັ້ນ, ສັນຍາຮ່ວມມືທີ່ພວກເຮົາໄດ້ລົງນາມກັບໂຮງໝໍແຂວງອຸດົມໄຊຈຶ່ງດໍາເນີນໄປໃນທິດທາງນີ້.
ປະເທດລາວ
ສາທາລະນະລັດ ປະຊາທິປະໄຕ ປະຊາຊົນລາວ 70% ແມ່ນກວມເອົາເຂດພູດອຍ ແລະ ພູພຽງ. ປະຊາກອນລາວມີປະມານ 7,200,000 ຄົນ, ໃນນັ້ນ 60% ຍັງອາໄສຢູ່ໃນເຂດຊົນນະບົດ ຫຼື ເຂດພູດອຍ.
ລາວປະກອບມີເຖິງ 68 ຊົນເຜົ່າທີ່ແຕກຕ່າງກັນ. ປະເທດລາວ, ເມື່ອເວົ້າເຖິງປະຫວັດສາດ, ພູມສັນຖານ ແລະ ຄວາມຫຼາກຫຼາຍຂອງຊົນເຜົ່າ, ຍັງຄົງເປັນປະເທດທີ່ທຸກຍາກທີ່ສຸດໃນອາຊີຕາເວັນອອກສຽງໃຕ້.