ການເຝິກອົບຮົມ ແລະ ການດໍາເນີນງານ
ມາຮອດທ້າຍ ປີ 2023 ນີ້, ພວກເຮົາຂໍສະແດງຄວາມຂອບໃຈຢ່າງສູງ ຕໍ່ກັບບັນດາຜູ້ໃຫ້ທຶນຂອງພວກເຮົາ ທີ່ໄດ້ຊຸກຍູ້ໃຫ້ກອງປະຊຸມເຫຼົ່ານີ້ເກີດຂຶ້ນ.
ການເຝິກອົບຮົມດ້ານການແພດແມ່ນມີຄວາມຈໍາເປັນເພື່ອສ້າງຄວາມເຂັ້ມແຂງໃຫ້ແກ່ບຸກຄະລາກອນສາທາລະນະສຸກ. ມີຈຸດປະສົງຄື: ເພື່ອໃຫ້ເຂົາເຈົ້າມີຄວາມເຊື່ອໝັ້ນ, ທັກສະ ແລະ ມີອຸປະກອນເພື່ອເຮັດໃຫ້ເຂົາເຈົ້າມີບົດບາດອັນສໍາຄັນໃນການປັບປຸງຂະແໜງການແພດໃນລາວ. ໃນປີ 2023 ທີ່ຈະສິ້ນສຸດລົງນີ້, ເປັນຊ່ວງເວລາທີ່ພິເສດສຳລັບ ສະມາຄົມ PEMM, ໂດຍໄດ້ຮັບຜົນສຳເລັດທີ່ສຳຄັນ. ການເຝິກອົບຮົມຂອງພວກເຮົາແມ່ນເປັນໄປຢ່າງຕັ້ງໜ້າເຊິ່ງມີໝາກຜົນທີ່ດີ ແລະ ມີຄວາມຫຼາກຫຼາຍເມື່ອທຽບກັບອາດີດທີ່ຜ່ານມາ, ເຊິ່ງມີການແບ່ງໄລຍະເຝິກອົບຮົມລະອຽດປະມານ 8 ພາກ, ລວມທັງສອງຫົວຂໍ້ໃໝ່ທີ່ສຳຄັນຄື: ພະຍາດເບົາຫວານ ແລະ ພາວະສຸກເສີນທາງການແພດ. ການເຝີກອົບຮົມເຫຼົ່ານີ້ ແມ່ນໄດ້ຈັດຂຶ້ນຢູ່ໂຮງໝໍແຂວງ, ເຊິ່ງໄດ້ປັບເອົາວິທີການເຝິກອົບຮົມໃຫ້ແທດເໝາະກັບສະພາບຕົວຈິງເພື່ອໃຫ້ເໝາະສົມຕໍ່ສະພາບເງື່ອນໄຂ. ປັດໃຈຫຼັກຂອງພາລະກິດຂອງພວກເຮົາໃນປີ 2023, ໂຄງການໄດ້ສະໜັບສະໜູນການເຝິກອົບຮົມ. ພາຍໃຕ້ການນໍາພາອັນມີສະຕິປັນຍາຂອງທ່ານ ດຣ. ຊ໋ອງດຼິນ ຮາມີ (Sandrine HAMY), ແພດປິ່ນປົວທົ່ວໄປ, ແລະ ທ່ານນາງ ຈຸສຕິນ ບຸສກາເຣວ (Justine BOUSCAREL), ພະຍາບານທີ່ມີຄຸນວຸດທິ ແລະ ອາສາສະໝັກບໍລິການຊຸມຊົນຢູ່ ສະມາຄົມ PEMM, ພວກເຮົາໄດ້ນຳພາບຸກຄົນທີ່ມີຄຸນນະພາບເຂົ້າໃນພາລະກິດດັ່ງກ່າວ. ການລິເລີ່ມພາລະກິດນີ້ໄດ້ເກີດຜົນຕໍ່ການເຝິກອົບຮົມ ໂດຍພວກເຮົາໄດ້ຈັດເຝິກອົບຮົມໃນໄລຍະຫຼາຍກ່ວາໜຶ່ງອາທິດໃນ 4 ສຸກສາລາທີ່ຢູ່ໃນແຂວງອຸດົມໄຊ. ຄວາມສາມັກຄີນີ້ໄດ້ເຮັດໃຫ້ມີຄວາມເລິກເຊິ່ງດ້ານວັດຖຸ, ມະນຸດ, ການບໍລິຫານ ແລະ ວັດທະນະທຳ ທີ່ພວກເຮົາໄດ້ສ້າງສໍາພັນກັບບັນດາສຸກສາລາຢູ່ພາກເໜືອຂອງລາວ.
"ການເຝິກອົບຮົມ, ການສະໜັບສະໜູນ, ການບໍລິການ"
ນີ້ແມ່ນເຫດຜົນທີ່ສະແດງວ່າ ສະມາຄົມ PEMM ໄດ້ເລືອກທີ່ຈະປະຕິບັດພາລະກິດ ໃນໄລຍະກາງ ແລະ ໄລຍະຍາວ. ການເຝິກອົບຮົມ ແລະ ການສະໜັບສະໜູນທາງການແພດ ແມ່ນມີຄວາມຈໍາເປັນເພື່ອເພີ່ມທະວີຄູນລະດັບການບໍລິການດ້ານສຸຂະພາບ, ແລະ ດັ່ງນັ້ນຊີວິດຂອງປະຊາຊົນຈຶ່ງໄດ້ຮັບການປິ່ນປົວ.
ບາດກ້າວຂອງພາລະກິດ.
ການສະໜັບສະໜູນ ແມ່ນຈິດອາສາໃນການຊ່ວຍເຫຼືອເພື່ອນຮ່ວມງານດ້ານການບໍລິການສຸຂະພາບຂອງພວກເຮົາໃນຊີວິດປະຈໍາວັນ. ເຊິ່ງບໍ່ແມ່ນຂໍ້ສົງໃສໃນການຊ່ວຍເຫຼືອແຕ່ມັນແມ່ນການສະໜັບສະໜູນພວກເຂົາ, ການໃຫ້ຄໍາແນະນໍາ ແລະ ສົ່ງເສີມໃຫ້ພວກເຂົາມີທັກສະການປະຕິບັດໜ້າທີ່ອັນສໍາຄັນໃນຍາມຈໍາເປັນ. ຕົວແທນທີມງານຂອງພວກເຮົາແມ່ນຜູ້ຊ່ຽວຊານທີ່ໄດ້ຮັບການຍອມຮັບໃນການແບ່ງປັນປະສົບການຂອງເຂົາເຈົ້າໃຫ້ແກ່ພະນັກງານສາທາລະນະສຸກຂອງລາວ. ພວກເຂົາແມ່ນອາສາສະໝັກທີ່ບໍ່ໄດ້ຮັບຄ່າຕອບແທນ. ຫຼັກສູດການເຝິກອົບຮົມທັງໝົດແມ່ນໄດ້ແປເປັນພາສາລາວ, ເຊິ່ງບັນດາແພດໝໍແມ່ນໄດ້ເຮັດໜ້າທີ່ເປັນນາຍແປພາສາເອງ. ໂດຍທົ່ວໄປແລ້ວ, ອາທິດທໍາອິດທີ່ຕົວແທນຂອງສະມາຄົມໄດ້ກໍານົດການເຝິກອົບຮົມພາກທິດສະດີ, ການເຝິກອົບຮົມທາງຄຼີນິກໃຫ້ແກ່ພະນັກງານສາທາລະນະສຸກ ເຊິ່ງສ້າງຄວາມຊໍານານໃຫ້ພວກເຂົາໃນຊີວິດປະຈໍາວັນ ແລະ ການປັບຕົວເຂົ້າກັບສະພາບການ ແລະ ຄົນເຈັບ. ອຸປະກອນການແພດແມ່ນມອບໃຫ້ຜູ້ຕາງໜ້າຂອງສຸກສາລາແຕ່ລະຄົນຂຶ້ນກັບໂຮງໝໍ. ອາທິດທີສອງ, ຜູ້ຕາງໜ້າທີມງານສະມາຄົມໄດ້ໄປພົບປະກັບບັນດາສຸກສາລາທີ່ຢູ່ຫ່າງໄກສອກຫຼີກ, ເຂດພູດອຍທີ່ສູງຊັນ. ການປະເມີນການເຝິກອົບຮົມແມ່ນອີງໃສ່ຄົນເຈັບໃນປະຈຸບັນ ແລະ ຄໍາຖາມຂອງທີມງານຂອງສະມາຄົມທີ່ໄດ້ກະກຽມມາ. ການສະໜັບສະໜູນນີ້ຊ່ວຍໃຫ້ພວກເຮົາປະເມີນຄວາມຕ້ອງການອຸປະກອນການແພດຂອງສຸກສາລາ (ມັກຈະຂາດເຂີນອຸປະກອນທີ່ຈໍາເປັນທີ່ສຸດ) ແລະ ເປັນຈຸດໃຈກາງການປິ່ນປົວພື້ນຖານຂອງປະຊາຊົນທ້ອງຖິ່ນ. ຂະບວນການສຸຂະອະນາໄມທີ່ພວກເຮົາເຂົ້າຮ່ວມແມ່ນຈັດຕັ້ງໂດຍການຮ່ວມມືກັບນາຍບ້ານ ແລະ ຜູ້ອໍານວຍການໂຮງຮຽນ.
ການເຝິກອົບຮົມ
ປະຈໍາປີ 2023
ຈໍານວນຜົນງານທີ່ສໍາຄັນໃນການປະຕິບັດພາລະກິດທີ່ຜ່ານມາສະແດງໃຫ້ເຫັນເຖິງໝາກຜົນທີ່ໄດ້ຮັບໃນປີ 2023:
- ໄດ້ຈັດການເຝິກອົບຮົມ 8 ຊຸດ, ກວມເອົາຜູ້ຮັບເຂົ້າຮ່ວມທັງໝົດ 119 ຄົນ (ໃນການເຝິກອົບຮົມ 94 ຄົນ ແລະ ຜູ້ຊ່ວຍສະໜັບສະໜູນ 25 ຄົນ),
- ໂຮງໝໍແຂວງ 2 ແຫ່ງ, ໂຮງໝໍເມືອງ 4 ແຫ່ງ ແລະ ສຸກສາລາ 5 ແຫ່ງ ທີ່ໄດ້ເຂົ້າຮ່ວມການຮຽນ-ການສອນຂອງພວກເຮົາ;
- ໃນການບໍລິຈາກອຸປະກອນການແພດຕີລາຄາເປັນຈໍານວນເງິນປະມານ 12,000 ເອີໂຣ ໄດ້ຖືກລະດົມເພື່ອຕອບສະໜອງອຸປະກອນການແພດທີ່ຈຳເປັນ ແລະ ເຄື່ອງອຸປະໂພກບໍລິໂພກ,
- ເດັກສອງຄົນທີ່ມີປາກແຫວ່ງໄດ້ຮັບການຊ່ວຍເຫຼືອປິ່ນປົວດ້ວຍການຜ່າຕັດ,
- ໄດ້ມີການບໍລິການສຸຂະພາບດ້ານການປິ່ນປົວເດັກ ແລະ ກວດ ຫູ-ຕາ-ດັງ ໃຫ້ກັບສະມາຊິກໃໝ່ທີ່ສູນຄົນພິການຫູໜວກ ແລະ ຄົນປາກກືກຂອງແຂວງຫຼວງພະບາງ, ເຊິ່ງເປັນຄູ່ຮ່ວມງານທີ່ປະຕິບັດພາລະກິດຮ່ວມກັບສະມາຄົມ PEMM.
ບັນດາທ່ານໝໍຕົວແທນຂອງສະມາຄົມໄດ້ຂຽນການປະເມີນພາລະກິດເຝິກອົບຮົມຢ່າງລະອຽດ, ການໄປຢ້ຽມຢາສຸກສາລາ ແລະ ອຸປະກອນການແພດທີ່ນໍາໄປຊ່ວຍເຫຼືອ. ທ່ານສາມາດອ່ານບົດລາຍງານການປະເມີນຜົນສະບັບຫຼ້າສຸດຂອງພາລະກິດການແພດທີ່ເມືອງໃໝ່ໃນເດືອນຕຸລາ ປີ 2022. ບົດລາຍງານການປະເມີນຜົນແມ່ນສາມາດຮ່ວມປຶກສາຫາລືລະຫວ່າງຜູ້ໃຫ້ທຶນແກ່ຫຼັກສູດການຝຶກອົບຮົມ ແລະ ສະມາຊິກຂອງສະມາຄົມ. ໃນຖານະອາສາສະໝັກ, ທ່ານໝໍຂອງພວກເຮົາແມ່ນໃຊ້ງົບຄ່າໃຊ້ຈ່າຍຂອງເຂົາເຈົ້າເອງ. ໃນຖານະເປັນສະມາຊິກ ແລະ ອາສາສະໝັກຂອງສະມາຄົມ, ຄ່າໃຊ້ຈ່າຍໃນການເຜີຍແຜ່ຂອງເຂົາເຈົ້າແມ່ນໄດ້ຖືກຫັກພາສີກັບລັດທະບານ. ພວກເຮົາຕ້ອງການທ່ານໝໍທີ່ມີວິຊາສະເພາະທຸກດ້າ, ທ່ານໃດສົນໃຈຢາກຮຽນຮູ້ຂໍ້ມູນເພີ່ມຕື່ມ ເພື່ອເປັນຜູ້ຕາງຂອງສະມາຄົມ ຫຼື ຢາກໄປຮ່ວມພາລະກິດກັບພວກເຮົາທີ່ປະເທດລາວ ທ່ານສາມາດຕິດຕໍ່ໄດ້ທາງອີເມລ໌: gensetmontagnesdumekong@gmail.com ຫຼື ໂທ 09 81 36 40 54.
 |  |  |  |
|---|---|---|---|
 |  |  |