ການສະໜັບສະໜຸນທາງການເງິນ ແມ່ນຮູບແບບໜຶ່ງໃນການບໍລິຈາກຂອງບໍລິສັດ ເພື່ອຊ່ວຍສະມາຄົມ ແລະ ອົງການຈັດຕັ້ງອື່ນໆທີ່ມີຄວາມສົນໃຈທົ່ວໄປ.  ຜົນປະໂຫຍດຂອງຮູບແບບນີ້ແມ່ນແບ່ງປັນລະຫວ່າງອົງການຈັດຕັ້ງທີ່ໄດ້ຮັບຜົນປະໂຫຍດ ແລະ ບໍລິສັດຜູ້ສະໜັບສະໜູນ.  ເມື່ອບໍລິສັດຮ່ວມບໍລິຈາກ ກໍ່ຈະມີສິດໄດ້ຮັບການຍົກເວັ້ນພາສີຈໍານວນ 60% ຂອງຕົນພາຍໃນຂອບເຂດຈໍາກັດຂອງ 0.5% ຂອງລາຍຮັບປະຈໍາປີ.  ສ່ວນທີ່ເຫຼືອສາມາດປະຕິບັດໄດ້ໃນອີກ 5 ປີຕໍ່ໄປ.  ໃນການສະໜັບສະໜູນ ບໍລິສັດສາມາດຮັບຮູ້ເຖິງການປະຕິບັດວຽກງານ ແລະ ພາລະກິດຕ່າງໆ ຂອງອົງການຈັດຕັ້ງທີ່ໄດ້ຮັບຜົນປະໂຫຍດ ແລະ ການປະກອບສ່ວນເຂົ້າໃນວຽກດ້ານມະນຸດສະທໍາ.  ປະຊາຊົນ ແລະ ພູດອຍຕາມລ້ອງແມ່ນໍ້າຂອງ ຍິນດີຮ່ວມມືກັບຜູ້ໃຫ້ທຶນໃນການໂຄສະນາ ແລະ ເຜີຍແຜ່ຊື່ສຽງບໍລິສັດຂອງຜູ້ໃຫ້ທຶນ.

ການສະໜັບສະໜຸນດ້ານຄວາມສາມາດ ແມ່ນການສະໜອງຊັບພະຍາກອນມະນຸດ ແລະ ເສີມສ້າງຄວາມສາມາດດ້ານປັນຍາໃຫ້ແກ່ອົງການຈັດຕັ້ງທີ່ຈະໄດ້ຮັບຜົນປະໂຫຍດ.  ໃນນີ້, ບໍລິສັດແມ່ນລະດົມພະນັກງານຂອງຕົນ ໃຫ້ຮ່ວມເປັນອາສາສະໝັກໃຫ້ເປັນສ່ວນໜຶ່ງຂອງການເຄື່ອນໄຫວຂອງສະມາຄົມເພື່ອສະໜອງຄວາມຮູ້ດ້ານວິຊາຊີບ.  ຮູບແບບຂອງການບໍລິຈາກນີ້ ສາມາດເອົາເປັນຮູບແບບການບໍລິການ ຫຼື ການຊ່ວຍເຫຼືອດ້ານແຮງງານ.  ສໍາລັບບໍລິສັດ, ສິ່ງນີ້ສາມາດເປັນຍຸດທະສາດສໍາລັບການກະຕຸ້ນພະນັກງານ ແລະ ຮູບແບບການຮັບຮູ້ຄວາມສາມາດຂອງເຂົາເຈົ້າ.  ສະມາຄົມປະຊາຊົນ ແລະ ພູດອຍຕາມລ້ອງແມ່ນໍ້າຂອງ ຕ້ອງອາສາສະໝັກດ້ານການບັນຊີ ແລະ ທັກສພຄອມພິວເຕີ ແລະ ຕັດຕໍ່ວິດີໂອ.

ນອກຈາກການບໍລິຈາກໃນຮູບແບເງິນແລ້ວ ພວກເຮົາກໍ່ຮັບເອົາການບໍລິຈາກໃນຮູບແບບວັດຖຸ. ສະມາຄົມປະຊາຊົນ ແລະ ພູດອຍຕາມລ້ອງແມ່ນໍ້າຂອງ ຮັບເອົາການບໍລິຈາກທີ່ປະກອບສ່ວນເຂົ້າໃນພາລະກິດ ແລະ ໂຄງການຕ່າງໆ.  ພວກເຮົາຕ້ອງການອຸປະກອນການແພດຂະໜາດນ້ອຍ (ຂົນສົ່ງໄດ້ງ່າຍ), ຊຸດເຄື່ອງມືກວດແຂ້ວ, ອຸປະກອນບໍລິຫານ ແລະ ໄອທີ.  ການບໍລິຈາກແຕ່ລະຄັ້ງແມ່ນຈະບັນທຶກເປັນເອກະສານ ເຊິ່ງປະເມີນຕາມການນໍາໃຊ້ ແລະ ເອກະສານນີ້ ແມ່ນສາມາດຢັ້ງຢືນໃນການພາສີຫຼຸດພາສີໃຫ້ກັບທ່ານ.