ຄູ່ຮ່ວມງານ

ພວກເຮົາໄດ້ຮ່ວມມືກັບຄູ່ຮ່ວມງານໃນການປະຕິບັດພາລະກິດ ແມ່ນເພື່ອແນໃສ່ຄຸນນະພາບຂອງໂຄງການ: ການແລກປ່ຽນເຕັກນິກທາງດ້ານການເງິນ ແລະ ດ້ານວິຊາການເຫຼົ່ານີ້ຊ່ວຍໃຫ້ພວກເຮົາສາມາດປັບປຸງການປະຕິບັດວຽກງານໃຫ້ມີໝາກຜົນ.

ຄູ່ຮ່ວມງານ

ອົງການຊ່ວຍເຫຼືອເດັກນ້ອຍໃນທະວີບອາຊີ (Enfant d’Asie) ແມ່ນອົງການຈັດຕັ້ງສາກົນທີ່ບໍ່ຂຶ້ນກັບລັດທະບານ ທີ່ໃຫ້ການສະໜັບສະໜຸນແກ່ເດັກນ້ອຍໃນອາຊີຕາເວັນອອກສຽງໃຕ້. ເປົ້າໝາຍຫຼັກຂອງໂຄງການແມ່ນ: ຊ່ວຍເຫຼືອເດັກທຸກຍາກໃຫ້ສາມາດເຂົ້າເຖິງການສຶກສາ. ສໍາລັບໂຄງການນໍ້າປະປາຂອງພວກເຮົາໃນລາວ, ອົງການດັ່ງກ່າວແມ່ນກໍາລັງກະກຽມສ້າງຫໍພັກທີ່ມີຄຸນນະພາບສໍາລັບນັກຮຽນຢູ່ທີ່ໂຮງຮຽນກິນນອນ.

ສະມາຄົມ PEMM ແມ່ນຮັບໜ້າທີ່ສະໜອງນ້ໍາປະປາໃຫ້ໂຮງຮຽນກິນນອນ ເຊິ່ງນັກຮຽນຈະໄດ້ໃຊ້ນໍາໃນອານາຄົດອັນໄກ້ນີ້.
ໂຄງການນີ້ແມ່ນເປັນຕົວຢ່າງທີ່ດີ ຂອງການຮ່ວມມືລະຫວ່າງອົງການຈັດຕັ້ງສາກົນທີ່ບໍ່ຂຶ້ນກັບລັດທະບານທັງສອງອົງການຄື: ມີຄວາມສາມັກຄີຢູ່ໃນທຸກລະດັບການຮ່ວມມື.

ຜູ້ໃຫ້ທຶນຂອງພວກເຮົາ

Partenariat FCIL Canada – Peuples et Montagnes du Mékong pour le Mobile Boat, accès aux so

ອົງການກຼິດ (la Guilde) ໄດ້ສະໜອງທຶນໃຫ້ແກ່ບັນດາໂຄງການຕ່າງໆຂອງພວກເຮົາໂດຍຜ່ານລະບົບອົງການຈັດຕັ້ງຈຸລະພາກຕາມນະໂຍບາຍການສະໜັບສະໜູນ, ພວກເຮົາສາມາດສ້າງນໍ້າລິນໃຫ້ບ້ານຈອມອົງ ແຕ່ຍັງຕ້ອງສ້າງສຸຂາພິບານທີ່ຈຳເປັນຢູ່ສຸກສາລາ.
ຂໍຂອບໃຈຕໍ່ຄວາມໄວ້ວາງໃຈຂອງອົງການກຼິດ, ພວກເຮົາໄດ້ສໍາເລັດໂຄງການທີ່ສໍາຄັນໃນປີ 2021.

ລັດວິສະຫະກິດນໍ້າປະປາເມືອງລີຢົງ (Le Fonds d’Eau de Lyon) ແລະ ເມືອງລີຢົງ (Métropole de Lyon) ທີ່ສະໜັບສະໜູນທຶນຮອນໃຫ້ແກ່ໂຄງການສ້າງນ້ໍາລິນເມື່ອບໍ່ດົນມານີ້. ທຶນດັ່ງກ່າວແມ່ນມີຄວາມຈຳເປັນ ໃນການສະໜອງນໍ້າໃຊ້ໃຫ້ແກ່ປະຊາຊົນຈໍານວນ 1,000 ຄົນ ຂອງບ້ານຈອມອົງ ຢູ່ທາງພາກເໜືອຂອງລາວ. ໂຄງການດັ່ງກ່າວໄດ້ຮັບໝາກຜົນຍ້ອນການສະໜັບສະໜູນຂອງທ່ານ.

ອົງການກິວານິ (Kiwanis) ຂອງເມືອງຊາງເອຕຽນ (Saint-Étienne) ສະຫໜັບສະໜູນພາລະກິດຂອງພວກເຮົາທຸກໆປີ. ຄຳຂວັນຂອງອົງການດັ່ງກ່າວແມ່ນ "ຊ່ວຍເຫຼືອອຸປະຖໍາເດັກນ້ອຍໃນທົ່ວໂລກ", ແລະ ຮ່ວມກັນປັບປຸງພັດທະນາສຸຂະອະນາໄມອາໃຫ້ແກ່ລູກຫຼານລາວໃຫ້ດີຂຶ້ນ.