ໂຄງການສະໜອງນ້ຳຂອງໂຮງໝໍເມືອງໃໝ່
ໃນເດືອນກໍລະກົດ ປີ 2022, ທີມງານຂອງພວກເຮົາໄດ້ພົບວ່າໂຮງໝໍເມືອງຢູ່ໃນລາວຂາດເຂີນນໍ້າໃຊ້. ເຊິ່ງສະມາຄົມ PEMM ແມ່ນມີປະສົບການໃນການສ້າງໂຄງການສະໜອງນໍ້າໃຫ້ແກ່ເຂດຫ່າງໄກສອກຫຼີກ, ດັ່ງນັ້ນຳວກເຮົາຈຶ່ງເຮັດໃຫ້ໂຄງການນີ້ສໍາຄັນ ແລະ ເປັນບູລິມະສິດສໍາລັບປີ 2023. ຢ່າງທີ່ພວກເຮົາອະທິບາຍ.
ໃນເດືອນກໍລະກົດ ປີ 2022, ທີມງານຂອງພວກເຮົາປະກອບດ້ວຍອະດີດອາສາສະໝັກຮັບໃຊ້ສັງຄົມຂອງພວກເຮົາ ທ່ານ ເກຼກົວ ແລນເດວ (Grégoire LANDEL) ແລະ ທ່ານ ລີ, ຜູ້ຮ່ວມມື ແລະ ວິຊາການຂອງສະມາຄົມ, ທັງສອງໄດ້ອອກໄປປະຕິບັດພາລະກິດສຳຫຼວດຢູ່ແຂວງຜົ້ງສາລີ. ເຊິ່ງມີ 2 ຈຸດປະສົງຫຼັກ ເພື່ອກະກຽມການເຝິກອົບຮົມທາງການແພດຢູ່ໂຮງໝໍ ເມືອງໃໝ່ ແລະ ໂຮງໝໍເມືອງບຸນເໜືອ, ແລະ ເກັບກໍາຄວາມຕ້ອງການຄວາມຊ່ວຍເຫຼືອຂອງຜູ້ເບິ່ງແຍງ ແລະ ປະຊາຊົນດ້ານນ້ໍາ ແລະ ສຸຂາພິບານ.
ໃນການສົນທະນາກັບຜູ້ອໍານວຍການຂອງໂຮງໝໍເມືອງ ກ່ຽວກັບຄວາມຕ້ອງການໃນການເຝີກອົບຮົມໃນການກວດພະຍາດຍິງ ແລະ ແພດເດັກ, ທາງສະມາຄົມແມ່ນມີຄວາມຕົກໃຈທີ່ຮັບຮູ້ວ່າທາງໂຮງໝໍແມ່ນຂາດເຂີນນໍ້າໃຊ້ໃນການປິ່ນປົວ. ຄັ້ງທໍາອິດ, ສະມາຄົມໄດ້ພົບກັບການຂາດນ້ໍາ ແລະ ສຸຂາພິບານຢູ່ໃນໂຮງໝໍ ແລະ ທີ່ບໍ່ແມ່ນສຸກສາລາທີ່ຢູ່ໃນເຂດຫ່າງໄກສອກຫຼີກ. ດັ່ງນັ້ນໂຄງການນີ້ຈຶ່ງເປັນບູລິມະສິດສໍາລັບປີ 2023. ປະຊາຊົນ 27,000 ຄົນໃນເມືອງໃໝ່ ແມ່ນຂຶ້ນກັບໂຮງແຫ່ງນີ້, ເຫດການສຸກເສີນດ້ານສຸຂະພາບແມ່ນມີຫຼາຍກໍລະນີ. ຫຼັງຈາກຫຼາຍເດືອນ ໃນການເກັບກໍາຂໍ້ມູນ
ຕົວຈິງໃນພາກສະໜາມ, ການຫ້າງເອກະສານ ແລະ ຊອກຫາທຶນ, ໂຄງການສະໜອງນ້ໍາຂອງໂຮງໝໍເມືອງໃໝ່ແມ່ນສາມາດປະຕິບັດໄດ້ໃນປີນີ້ 2023. ເຊິ່ງໂຄງການໄດ້ຮັບການສະໜັບສະໜູນຈາກມູນນິທິ ຊາໂນຟີ (SANOFI) ແລະ ສໍານັກແຂວງຊາງເອຕຽນ (Métropole de Saint-Étienne) : ຫາກຂາດການຊ່ວຍເຫຼືອດັ່ງກ່າວ, ໂຄງການກໍ່ບໍ່ສາມາດປະສົບຜົນສໍາເລັດ.
ອິງຕາມຄວາມເປັນຈິງ, ສະມາຄົມ PEMM ຈະບໍ່ຢຸດຢູ່ພຽງແຕ່ໂຄງການສະໜອງນ້ໍາເທົ່າ. ສະມາຄົມຈະເຮັດໃຫ້ໂຮງໝໍດັ່ງກ່າວເປັນໂຄງການທີ່ມີຈຸດໝາຍສຸມໃສ່ການປັບປຸງຄຸນນະພາບ ແລະ ສະພາບແວດລ້ອມແຫ່ງການບໍລິການສຸຂະພາບ. ໂຄງການດັ່ງກ່າວໄດ້ສຸມໃສ່ 3 ເປົ້າໝາຍຫຼັກຂອງການປະຕິບັດ:
- ການສະໜອງນໍ້າ ແລະ ການແຈກຢາຍນໍ້າໃຊ້ໃນໂຮງໝໍ
- ເຝິກອົບຮົມສຸຂະອະນາໄມໂຮງໝໍສໍາລັບຜູ້ດູແລ ແລະ ມາດຕະການສະໜັບສະໜູນເພື່ອຍົກສູງຄວາມຮັບຮູ້ຂອງຄົນເຈັບໂຮງໝໍກ່ຽວກັບກົດລະບຽບສຸຂະພາບ,
- ຄໍານຶງເຖິງການປ່ຽນແປງດິນຟ້າອາກາດດ້ວຍການຄຸ້ມຄອງຊັບພະຍາກອນທໍາມະຊາດຢ່າງສົມເຫດສົມຜົນ ແລະ ຍືນຍົງ.
 |  |  |
|---|---|---|
 |  |  |
 |  |