ສູນຕ້ອນຮັບເດັກພິການໂອທິດສະຕິກຂອງແຂວງນະຄອນຫຼວງວຽງຈັນ
ສູນເດັກພິການໂອທິດສະຕິກນະຄອນຫຼວງວຽງຈັນ "Vientiane Autism Center" (VAC) ເປັນສູນທີ່ມີຄວາມຊ່ຽວຊານໃນການຕ້ອນຮັບເດັກນ້ອຍທີ່ມີພາວະໂອທິດສະຕິກ. ສູນໄດ້ເອື້ອອໍານວຍໃຫ້ພວກເຂົາມີສະພາບແວດລ້ອມທີ່ສະຫງົບສຸກເພື່ອພັດທະນາ ແລະ ສະໜັບສະໜູນບັນດາພໍ່ແມ່ຜູ້ປົກຄອງ.
ສູນດັ່ງກ່າວໄດ້ເປີດເປັນທາງການໃນເດືອນມິຖຸນາ ປີ 2009 ແລະ ເປັນສະຖາບັນທໍາອິດທີ່ມີຄວາມຊ່ຽວຊານໃນການດູແລເດັກໂອທິດສະຕິກໃນລາວ. ນັບແຕ່ເປີດສູນ, ຊ່ຽວຊານດ້ານການສຶກສາ 2 ທ່ານຈາກປະເທດໄທໄດ້ເຂົ້າມາປະຕິບັດວຽກງານຢູ່ສູນ. ກ່ອນທີ່ຈະມີສູນດັ່ງກ່າວ, ບັນດາຜູ້ປົກຄອງຕ້ອງໄດ້ພາເດັກນ້ອຍໄປກວດຫາພາວະໂອທິດສະຕິກຢູ່ປະເທດໄທ. ປະເທດນີ້ມີໂຄງສ້າງພື້ນຖານຫຼາຍຢ່າງສໍາລັບການດູແລຄົນເຈັບ ແລະ ທ່ານໝໍທີ່ຄຸນນະພາບ.
ປະຈຸບັນ ໃນສູນມີນັກຮຽນທັງໝົດ 40 ຄົນ, ຄູສອນ 16 ຄົນ. ນັກການສຶກສາພິເສດມາຈາກປະເທດໄທ, ສະວິດເຊີແລນ ແລະ ຝຣັ່ງ, ແລະ ກໍາລັງເລີ່ມຝຶກອົບຮົມນັກການສຶກສາຄົນລາວ. ສະມາຄົມ PEMM ໄດ້ໄວ້ວາງໃຈອາສາສະໝັກຂອງຕົນ ທ່ານ ຈັກ ວາເຊນ (Jacques VAZEILLES), ອາສາສະໝັກຈິດຕະແພດເດັກ, ຜູ້ທີ່ໄດ້ໄປຢ້ຽມຢາມສູນຫຼາຍຄັ້ງເພື່ອປຶກສາຫາລື ແລະ ຊ່ວຍໃຫ້ຄໍາແນະນໍາສະເພາະທາງແກ່ນັກການສຶກສາຄົນລາວ ເຖິງການດູແລທີ່ດີທີ່ສຸດສໍາລັບເດັກນ້ອຍ.
ສູນແມ່ນມີຫຼາຍພາລະກິດ: ເຊິ່ງສະໜັບສະໜູນເດັກນ້ອຍທີ່ມີພາວະໂອທິດສະຕິກທີ່ສາມາດເຂົ້າໂຮງຮຽນລັດ, ສູນໄດ້ສະໜອງການຊ່ວຍເຫຼືອ ແລະ ສະໜັບສະໜູນບັນດາຜູ້ບົກຄອງ, ສູນໄດ້ເຜີຍແຜ່ເຖິງພາວະທາງໂອທິດສະຕິກ ແລະ ສະໜອງການຝຶກອົບຮົມທີ່ຈະເຂົ້າໃຈງ່າຍຄວາມຕ້ອງການຂອງເດັກໂອທິດສະຕິກ, ແລະ ຍັງອໍານວຍຄວາມສະດວກໃນການເຂົ້າເຖິງໃນການໄປພົບແພດສະເພາະທາງທີ່ສາມາດບົ່ງມະຕິການມີພະວະໂອທິດສະຕິກ.