ສູນຄົນພິການຫູໜວກ ແລະ ປາກກືກຂອງແຂວງຫຼວງພະບາງ
ສູນຄົນພິການຫູໜວກ ແລະ ປາກກືກ ເປັນໜຶ່ງໃນສາມສູນພິເສດໃນລາວ. ເປັນສະຖານທີ່ຕ້ອນຮັບເດັກນ້ອຍທີ່ມີຄວາມຫຍຸ້ງຍາກຈາກຄວາມພິການທາງປາກກືກ ແລະ / ຫຼື ຫູໜວກ, ແລະ ສູນໄດ້ອໍານວຍຄວາມສະດວກໃຫ້ພວກເຂົາມີສະພາບແວດລ້ອມທີ່ເອື້ອອໍານວຍຕໍ່ການຮຽນຮູ້ ແລະ ການພັດທະນາຂອງເຂົາເຈົ້າ.
ສູນຄົນພິການຫູໜວກ ແລະ ປາກກືກ ແຂວງຫຼວງພະບາງໄດ້ສ້າງຕັ້ງຂຶ້ນໃນປີ 2006 ໂດຍແມ່ຊີ ມາຣີ ແຄັດທະລິນ, ປະຈຸບັນແມ່ນຊີ້ນຳ ແລະ ດຳເນີນການໂດຍການກຸສົນຫ້າເອື້ອຍນ້ອງຂອງຊາງອັອງທິດເດິທຸເຣ (Sainte Antide de Thouret).
ສູນແຫ່ງນີ້ເປັນໂຮງຮຽນທີ່ຕ້ອນຮັບເດັກນ້ອຍ. ເດັກນ້ອຍແມ່ນໄດ້ຮຽນຂຽນ ແລະ ໃຊ້ພາສາມື. ໂຮງຮຽນແຫ່ງນີ້ເຮັດໃຫ້ພວກເຂົາໄດ້ຮຽນວິທີການສະແດງອອກ, ແລະ ດັ່ງນັ້ນຈິ່ງສື່ສານກັບກຸ່ມໝູ່ເພື່ອນ ແລະ ສັງຄົມໄດ້ງ່າຍຂຶ້ນ. ມັນອໍານວຍໃຫ້ພວກເຂົາມີສະພາບແວດລ້ອມທີ່ດີ ເຊິ່ງເປັນສິ່ງທີ່ເດັກພິການໃນລາວມີຄວາມຮຽກຮ້ອງຕ້ອງການເປັນຈໍານວນຫຼາຍ. ໂຮງຮຽນຍັງສອນທັກສະຄອມພິວເຕີ, ພາສາອັງກິດ ແລະ ວິຊາອື່ນໆ ທີ່ມີປະໂຫຍດຕໍ່ອານາຄົດດ້ານວິຊາຊີບ.
ສູນດັ່ງກ່າວຍັງມີຈຸດປະສົງເພື່ອສົ່ງເສີມຊາວໜຸ່ມໃຫ້ມີກິດຈະກໍາຮ່ວມກັນຫຼັງຈາກເລີກຮຽນ ແລະ ລວມທັງສູນເຝິກທັກສະແມ່ຍິງ. ສູນເຝິກທັກສະແມ່ຍິງແຫ່ງນີ້ໄດ້ມີການຝຶກອົບຮົມການຖັກແສ່ວ. ຫຼັງຈາກນັ້ນ, ບັນດາຊາວໜຸ່ມແມ່ຍິງໄດ້ຜະລິດເຄື່ອງຫັດຖະກໍາທີ່ຂາຍຢູ່ຮ້ານວາງສະແດງໃນສູນກາງ. ບັນດາຊາວໜຸ່ມທີ່ຈົບຈາກສູນແມ່ນອາຍຸປະມານ 19 ປີ, ເຂົາເຈົ້າສາມາດເບິ່ງແຍງຕົນເອງ ແລະ ສ້າງຜົນສຳເລັດໄດ້.
ສະມາຄົມປະຊາຊົນ ແລະ ພູດອຍຕາມລ້ອງແມ່ນ້ຳຂອງ ສະໜັບສະໜູນ ສູນຄົນພິການຫູໜວກ ແລະ ຄົນປາກກືກ ໃນການເຄື່ອນໄຫວກິດຈະກໍາໃນການສົ່ງເສີມເດັກ.
ໃນລະຫວ່າງການເຝິກອົບຮົມທາງການແພດ, ທ່ານໝໍອາສາສະໝັກຕາງໜ້າຈາກສະມາຄົມຂອງພວກເຮົາມາຮອດສູນ ເພື່ອສະເໜີການກວດສຸຂະພາບຢ່າງຄົບຖ້ວນໃຫ້ແກ່ບັນດາຊາວໜຸ່ມນັກຮຽນ. ພວກເຮົາບໍ່ຢຸດການຊ່ວຍເຫຼືອພຽງເທົ່ານັ້ນ.
ໃນໂຄງການເດີນທາງສາມັກຄີໄຊໃນປີ 2018, ພວກເຮົາໄດ້ເຂົ້າຮ່ວມການກໍ່ສ້າງບ່ອນສ້ອມແປງໃຫ້ບັນດາຊາວໜຸ່ມ. ເຊິ່ງແມ່ນສະມາຄົມພວກເຮົາໄດ້ສະໜອງທຶນສ່ວນໃຫຍ່ຄັ້ງນີ້.
ນອກນີ້, ພວກເຮົາຍັງໄດ້ສະໜອງທຶນໃຫ້ກັບຄູຝຶກໃນອາຊີບກົນຈັກເປັນເວລາໜຶ່ງປີ. ບ່ອນແປງລົດແຫ່ງນີ້ໄດ້ກາຍເປັນບ່ອນລວມຕົວຂອງຊາວໜຸ່ມນັກຮຽນ: ພວກເຂົາເຈົ້າຮຽນຮູ້ວິຊາກົນຈັກ ແລະ ຍັງໄດ້ເຝິກຝົນຕົນເອງເພື່ອປະກອບເປັນອາຊີບດ້ານກົນຈັກ.
ສຸດທ້າຍແລ້ວ, ໃນແຕ່ລະປີພວກເຮົາສົ່ງອາສາສະໝັກຮັບໃຊ້ສັງຄົມ ໄປຊ່ວຍແມ່ຊີຢູ່ສູນ. ອາສາສະໝັກເຫຼົ່ານີ້ເຮັດວຽກຢ່າງໃກ້ຊິດກັບເດັກນ້ອຍ ໂດຍສ້າງແຜນກິດຈະກໍາຈໍາເປັນນວນຫຼາຍ. ທ່ານສາມາດຕິດຕາມປະຫວັດການເຄື່ອນໄຫວຂອງອະດີດອາສາສໝັກໂດຍການ ກົດບ່ອນນີ້. ອາສາສະໝັກເຫຼົ່ານີ້ສ້າງການຮ່ວມມືລະຫວ່າງສະມາຄົມ ແລະ ສູນຢ່າງແໜ້ນແຟ້ນ ໃນການຊ່ວຍເຫຼືອ ແລະ ເປັນໂຕແທນສະແດງເຖິງເປົ້າໝາຍໃນການຊ່ວຍເຫຼືອຂອງສະມາຄົມ PEMM ທີ່ຈະສືບຕໍ່ປະຕິບັດຢ່າງຍືນຍົງໃນການຊ່ວຍເຫຼືອບັນເທົາບັນຫາຄວາມພິການນີ້.
ບັນຫາຄວາມພິການໃນລາວ ຍັງບໍ່ທັນໄດ້ເປັນບັນຫາທີ່ກ່າວເຖິງສ່ວນຫຼາຍໃນສັງຄົມ. ການດໍາລົງຊີວິດ ແລະ ການເຄື່ອນໄຫວຂອງສູນດັ່ງກ່າວໄດ້ເປີດໂອກາດໃຫ້ຊາວໜຸ່ມຄົນພິການເຫຼົ່ານີ້ໄດ້ເຊື່ອມໂຍງມີສ່ວນຮ່ວມໃນສັງຄົມສັງຄົມ ແລະ ມີອາຊີບ. ສູນຄົນພິການຫູຫນວກ ແລະ ປາກກືກແມ່ນໄດ້ຊຸກຍູ້ການຝຶກອົບຮົມທາງການແພດຂອງພວກເຮົາ. ສິ່ງທ້າທາຍທີ່ຕ້ອງໄດ້ຜ່ານຜ່າແມ່ນການສ້າງຈິດສໍານຶກໃຫ້ກັບຄົນພິການ (ຫູໜວກ, ເປັນໄບ້, ໂອທິດສະຕິກ), ເພື່ອຮັບປະກັນການຕິດຕາມກວດກາພວກເຂົາໃຫ້ດີຂຶ້ນ ແລະ ໃຫ້ໂອກາດບັນດາຄົນພິການໄວໜຸ່ມໄດ້ມີບົດບາດໃນສັງຄົມ.
 |  |  |  |
|---|---|---|---|
 |  |